今屆亞運新增咗霹靂舞項目，眾多舞林高手齊齊參加，氣氛非常熱烈。今日《健康關注組 亞運篇》亦都請咗位舞林界嘅高手林生源（B-Boy Fishball）同大家介紹一吓霹靂舞。霹靂舞動作刁鑽，體力運動量非常大，運用到全身做出動作，運動受傷機會相對較大。林生源亦曾經訓練時受傷，醫生話佢唔可以再跳舞，佢係點復原再重新踏上舞台呢？講得全身動作，關節勞損又好似關事，請埋骨科專科袁智斌醫生同埋物理治療師及肌力與體能訓練教練程浚熙，教大家預防及治療關節勞損。林曉蕙真係好有愛，十集亞運篇佢去學足十樣嘢，今日佢去咗搵高級舞蹈導江滿齊（B-Boy Cha Cha）學跳霹靂舞，又睇吓佢學成點先。睇《健康關注組 亞運篇》，一齊關注亞運項目霹靂舞。 

媒體：HOY TV 77 台